गण्डकी खबर । जैमिनी नगरपालिका–१० राङखानी बिहारथलाका २९ वर्षीय तिलक क्षेत्रीले गाउँमै होटल ब्यबसाय बाट मनग्ये आम्दानी गर्न सफल भएका छन् ।
लामो समय वैदेशिक रोजगारीका लागि खाडी हानिएका उनी आफ्नै गृह जिल्ला बागलुङको जैमिनिमा होटल व्यावसाय पछ्याएका हुन् ।क्षेत्रीले बिहारथलामा सञ्चालन हुँदै आएको होटललाई स्तरउन्नति गरि ‘हाँडीकोट टापु रेष्टुरेन्ट एण्ड लज’को रुपमा विकास गरेका छन् ।
विविध पर्यटकिय सम्भावना बोकेको बागलुङ जैमिनी नगरपालिकाको वडा न–१० राङखानी, वडा न(७ जैदी ( र वडा न। ८ छिस्तीको संगमस्थलमा पर्ने ‘हाँडिकोट’ समुद्री सतहदेखि २१सय ९५ मिटरमा पर्दछ। उक्त स्थानमा दिनहुँ सयौँको सङ्ख्यामा घुम्न जान थालेका छन् ।
‘हाडिकोटमा आन्तरिक पर्यटकको संख्या बड्दै जानू र कोभिड–१९ को महामारीले गर्दा ,अब विदेश नभई आफ्नै देशमा काम गर्नु पर्छ भन्ने सोचाई बनाईदिएको छ’, क्षेत्रीले भने । पर्यटकका लागि सुबिधा पनि हुने ,आफूलाई पनि राम्रै आम्दानी हुने भन्दै उक्त ब्यबसायलाई स्तरउन्नती गर्दै संचालन गरेको बताए ।’हाँडीकोट टापु एक पर्यटकीय क्षेत्र हो, दैनिक रुपमा त्यहाँ पुग्ने मानिसहरुको भीड लाग्छ यसले गर्दा आफुलाई आफ्नै ठाउँमा व्यवसाय गर्न उत्प्रेरणा मिलिरहेको छ’, उनले थपे ।
हाँडीकोट बाट सूर्योदय र सूर्यास्तका साथै हिमश्रीखंला र विभिन्न जिल्लाका मनमोहक दृश्यहरू सजिलै अवलोकन गर्न सकिन्छ । हाँडिकोट डाँडामा क्याम्पिङ बस्ने संख्या बढदै जादा भने स्थानीय निकायको ध्यान नपुगेको गुनासो आउन थालेका छन ।
उचित खाने पानीको ब्यबस्था , सौचालय , तार(बार लगाएतका आधारभुत सेवा सुबिधाको बन्दोबस्त गर्न सके पर्यटकका लागि अझ सहज हुनेछ ।
