गण्डकी खबर । पोखरा आउँदै गरेको बस र स्याङ्जाको वालिंग जाँदै गरेको ट्रक शनिवार दिउँसो करिब २ बजे स्याङ्जा पुतलीबजार नगरपालिका-११ बगालथोक नजिक एक आपसमा ठोक्किदा १७ जना घाइते भएका छन् ।
ना ५ख ५१३९नंं को बस र लु १ख ६५९४ नंं. को ट्रक एक आपसमा ठोक्किदा ट्रक चालकसहित बसका १७ यात्रु घाइते भएका हुन् ।
घाइते मध्य गम्भीर ४ जनालाई थप उपचारको लागि पोखरा ल्याइएको गण्डकी प्रदेश प्रहरी कार्यालय पोखराका प्रहरी नायव उपरीक्षक राजकुमार थिङले बताउनुभयो । गम्भीर घाइते हुनेहरुमा ट्रक चालक खुम बहादुर दंगाल,अमृत बि क, जमुना काफ्ले र घमंनसिंह गुरुङ छन् ।
स्याङ्जाको अर्जुनचौपारीबाट पोखरातर्फ आउँदै गरेको उक्त बस र पोखराबाट वालिङतर्फ जाँदै गरेको ट्रक एक आपसमा ठक्कर खाँदा दुर्घटना भएको हो । घटनाको बारेमा अनुसन्धान भइरहेको प्रहरीले जनाएको छ ।
