गण्डकी खबर। बागलुङमा गोठमा आगलागी हुँदा तीन गाईसहित एउटा बाख्रो जलेर मरेका छन् ।
जैमिनि नगरपालिका-८ क्वादी निवसी मोतीप्रसाद पाध्यको खरको छानो भएको १ तले कच्ची गोठमा बुधबार रातिआगलागी हुँदा ती गाई बस्तु मरेका हुन ।
गण्डकी प्रदेश प्रहरी कार्यालय पोखराका अनुसार गोठमा अचानक आगलागी हुँदा दुहुनो गाई एक,थारो गाई एक र बाच्छो एक र एउटा बाख्रो जलेर मरेका हुन् । गोठ पूर्ण रुपमा जलेर नष्ट भएको छ । त्यस्तै एक गाई, एक गोरु र एक बाच्छे जलेर घाइते भएका प्रहरीले जनाएको छ ।
