गण्डकी खबर । स्याङ्जामा मोटरसाइकल दुर्घटना हुँदा एक पुरुष घाइते भएका छन् ।
चापाकोट नगरपालिका-१० बाढीकुना स्थित भित्री सडक खण्डमा केवरेबाट चापाकोटतर्फ आउँदै गरेको लु ४५ प ५१५७ नं.को मोटरसाईकल अनियन्त्रित बाटोमा पल्टिदा स्याङ्जा चापाकोट-९ निवासी ५० वर्षीय ईश्वरीप्रसाद कोइराला घाइते भएका हुन् ।
दुर्घटनामा परी गम्भीर घाइते कोइरालाको पोखरा स्थित गण्डकी मेडिकल कलेजमा उपचार भइरहेको गण्डकी प्रदेश प्रहरी कार्यालय पोखराले जनाएको छ । उक्त घटनाको बारेमा प्रहरीले अनुसन्धान गरिरहेको छ । पोखरा न्युज “
