गण्डकी खबर । पोखरामा ट्रकको ठक्करबाट एक युवती गम्भीर घाइते भएकी छन् ।
पोखराको पृथ्वीचोक स्थित चाइना पुलमा शुक्रबार दिउसो १ बजे एमएस ४८ एजे २२८९ भारतीय नम्बर को ट्रकले ग १७ प ७०६९ नम्बरको स्कुटरलाई ठक्कर दिँदा सप्तरीको महादेव गाँउपालिका – ९ घर भइ पोखरा रानीपौवा बस्ने २२ वर्षीय सुस्मिता शर्मा गम्भीर घाइते भएको प्रहरीले जनाएको छ ।
पृथ्वीचोकबाट अमरसिंह चोक तर्फ जाँदै गरेको स्कुटरलाई सोही दिशाबाट जाँदै गरेको भारतीय ट्रकले ठक्कर दिँदा स्कुटरमा चालक शर्मा गम्भीर घाइते भएको र उहाँको गण्डकी मेडिकल कजेजमा उपचार भइरहेको जिल्ला प्रहरी कार्यालय कास्कीका प्रहरी निरीक्षक दिपक केसीले जानकारी दिनुभयो ।
भारतीय नागरिक रहेका ट्रक चालक वडा प्रहरी कार्यालय बैदामको नियन्त्रणमा रहेको प्रहरीले जनाएको छ ।
