गण्डकी खबर । पोखराका पत्रकार गणेश पौडेलको आज बिहान गण्डकी मेडिकल कलेजमा निधन भएको छ ।
गण्डकी टेलिभिजनमा कार्यरत ३८ वर्षीय पत्रकार पाैडेलकाे काेराेना संक्रमणका कारण निधन भएकाे हाे ।
वैशाख १८ गते कोरोना संक्रमण देखिए लगत्तै अस्पतालमा भर्ना भई उपचारत रहनुभएका उहाँको उपचारको क्रममा आज बिहान निधन भएको हो । स्वर्गीय पौडेलका श्रीमती र दुई छोरा हुनुहुन्छ ।
कास्की जिल्लाकाे पोखरा–३३ बागमारा निवासी पत्रकार पौडेल विगत डेढ दशकदेखि पत्रकारितामा सक्रिय हुनुहुन्थ्यो ।
पोखरास्थित गण्डकी टेलिभिजनको स्थापनाकालदेखि काम गर्नुभएका पौडेलले पछिल्लो समय उक्त टेलिभिजनमा निर्देशकको जिम्मेवारी वहन गर्दै आउनु भएको थियो ।
उहाँको निधनले नेपाली पत्रकारिता क्षेत्रले एक कुशल र जुझारु युवा पत्रकार गुमाएको छ ।
