गण्डकी खबर । पोखराको सेती नदिबाट अवैध उत्खनन् गर्ने ५५ सवारीसाधनलाई कास्की प्रहरीले नियन्त्रणमा लिएको छ ।
पोखरा महानगरपालिका १९ पुरनचौर स्थित ढोडेनीघाटमा गिट्टी तथा बालुवा उत्खनन् गरिरहेकै
अवस्थामा उक्त सवारी साधनहरुलाई नियन्त्रणमा लिइएको कास्की प्रहरी प्रवक्ता, डिएसपी सुवास हमालले जानकारी दिनुभयो ।
डिएसपी हमालका अनुसार जिल्ला प्रहरी कार्यालय कास्की र वडा प्रहरी कार्यालय बगरबाट खटिएको
प्रहरीको टोलीले उक्त शनिबार बिहान २२ वटा टिपर, १७ वटा मिनी टिपर र १६ वटा ट्याक्टर गरी ५५ वटा सवारी साधन नियन्त्रणमा लिएको ।
नियन्त्रणमा लिइएका सवारी साधनहरुलाई कारवाहीको प्रक्रियाको लागि पोखरा महानगरपालिकाको कार्यालय पठाइएको प्रहरीले जनाएको छ।
