गण्डकी खबर । कोरोना संक्रमण भई पोखराका विभिन्न अस्पतालमा उपचाररत थप पाँच जनाको उपचारकै क्रममा मृत्यु भएको छ ।
कोरोना संक्रमण पुष्टि भई पोखराको गण्डकी मेडिकल कलेज, मणिपाल शिक्षण अस्पताल र पाेखरा
स्वास्थ्य विज्ञान प्रतिष्ठानमा उपचाररत दुई पुरुष र तीन महिलाको मृत्यु भएको गण्डकी स्वास्थ्य निर्देशनालायले शुक्रबार जानकारी दिएको छ ।
निर्देशनालायका अनुसार साउन १३ गते कोरोना संक्रमण पुष्टि भई पोखराको मणिपाल शिक्षण
अस्पतालमा उपचाररत कास्कीकाे पाेखरा महानगरपालिका २७ का ६६ वर्षीय पुरुषको बिहीबार उपचारकै क्रममा मृत्यु भएको हो ।
त्यस्तै साउन १३ गते कोरोना संक्रमण पुष्टि भई पाेखरा स्वास्थ्य विज्ञान प्रतिष्ठान पोखरामा उपचाररत
कास्कीकाे अन्नपूर्ण गाँउपालिका ४ की ८० वर्षीया महिलाको बिहीबार निधन भएको हो ।
साउन ९ गते कोरोना संक्रमण पुष्टि भई पाेखरा स्वास्थ्य विज्ञान प्रतिष्ठान पोखरामा
उपचाररत कास्कीकाे मादी गाँउपालिका ५ की ४२ वर्षीया महिलाकाे शुक्रबार मृत्यु भएको निर्देशनालयले जनाएको छ ।
साउन २ गते कोरोना संक्रमण पुष्टि भई गण्डकी मेडिकल कलेज पोखरामा उपचाररत स्याङ्जाकाे
पुतलीबजार नगरपालिका १३ की ४३ वर्षीया महिलाको बिहीबार उपचारको क्रममा मृत्यु भएको हो ।
साउन १ गते कोरोना संक्रमण पुष्टि भई मणिपाल शिक्षण अस्पताल पोखरामा उपचाररत स्याङ्जाकाे
पुतलीबजार नगरपालिकाका ४५ वर्षीय पुरुषको बिहीबार उपचारको क्रममा मृत्यु भएको हो ।
यस सँगै गण्डकी प्रदेशमा कोरोना संक्रमणबाट मृत्यु हुनेको संख्या एक हजार ८८ पुगेको छ ।
