गण्डकी खबर । गण्डकी प्रदेशका थप ४ जना काेराेना संक्रमितकाे मृत्यु भएकाे छ । कोरोना संक्रमित भई पोखरा र नवलपुरकाे अस्पतालमा उपचाररत तीन जना महिला र कास्कीमा हाेमआइसाेलेसनमा रहेका एक जना पुरुषकाे मृत्यु भएको हाे ।
कास्कीका २ जना, स्याङ्जाका १ जना र नवलपुरका १ जनाकाे मृत्यु भएकाे गण्डकी प्रदेश स्वास्थ्य निर्देशनालय पाेखराले बुधबार पुष्टि गरेकाे छ ।
यससँगै गण्डकी प्रदेशमा कोरोना संक्रमणबाट मृत्यु हुनेको संख्या एक हजार १०९ पुगेको छ ।
विवरण यस्ताे छः
त्यस्तै पछिल्लो २४ घण्टामा कास्की जिल्लामा थप १४८ जनामा कोरोना संक्रमण पुष्टि भएको छ ।
कास्कीमा ८१ जना पुरुष तथा ६७ जना महिला गरी १४८ जनामा कोरोना भाइरस पुष्टि भएकाे प्रदेश स्वास्थ्य निर्देशनालय
पाेखराले जनाएको छ ।
पछिल्लो २४ घण्टामा प्रदेशमा १ हजार ११५ जनाको नमुना परीक्षण गरिएकोमा गण्डकी प्रदेशमा थप ५०० जनामा कोरोना
पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।
कास्कीका १४८ सहित म्याग्दीका १ जना, पर्वतका ७१ जना, गाेरखाका ४३ जना, लमजुङका १६ जना, तनहुँका ५३ जना,
बाग्लुङका १६ जना, स्याङ्जाका ६७ जना र नवलपुरका ८५ जना गरी प्रदेशका ९ जिल्लामा २६९ पुरुष तथा २३१ जना
महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ६९ हजार ६५१ पुगेको छ।
पछिल्लो २४ घण्टामा १५६ जना निको भएसँगै प्रदेशमा संक्रमणमुक्त हुनेको संख्या ६२ हजार ८५६ पुगेको छ ।
गण्डकीमा थप ४ जनाको कोरोना संक्रमणका कारण मृत्यु भएको छ ।
हालसम्म कोरोना संक्रमणका कारण प्रदेशभर ज्यान गुमाउनेको संख्या १ हजार १०९ पुगेको छ।