वि.सं २०८० को शैक्षिक सत्र वैशाख १ देखि नै शुरु हुने भएको छ । शिक्षा तथा मानवस्रोत विकास केन्द्र अन्तर्गतको विद्यालय शिक्षा मापदण्ड निर्धारण शाखाले आज एक सूचना जारी गर्दै शैक्षिक सत्र वैशाख १ देखि शुरु हुने जानकारी दिएको हो ।
सुचनामा केही विद्यालय र जिल्लाहरुबाट शैक्षिक सत्र कहिलेदेखि सुरु हुने भनेर जानकारी मागिएको हुनाले उक्त निर्णय स्थानीय तहमार्फत विद्यालयलाई जानकारी गराई कार्यान्वयन गराउन अनुरोध गरिएको छ । शैक्षिक सत्र वैशाख १ बाट शुरु भई चैत मसान्तमा सकिनेछ ।
विगतका वर्षहरुमा वैशाख १ देखि नै शैक्षिक सत्र शुरु हुँदै आए पनि केही वर्ष कोभिडका कारण शैक्षिक सत्र ढिलो गरेर शुरु भएको थियो ।
