गायिका बर्तिका एम राई गायक युगल गुरुङसँग विवाह बन्धनमा बाँधिएकी छिन् ।
शुक्रबार ललितपुरको मानभवनस्थित क्रिस्टल ब्याङ्केटमा राई र गुरुङ विवाहबन्धनमा बाँधिएका हुन् । असोज २४ मा इन्गेजमेन्ट गरेका उनीहरुले परम्परागत रुपमै विवाह गरेका हुन् । बर्तिका नेपाली युवा सङ्गीतप्रेमी माझ ग्लुमी किसिमका गीत गाएर परिचित रहेकी छिन् । उनको निदरी, विम्बाकाश, हवाईजहाज, तरललगायतमा गीत चर्चित रहेका छन् ।
बेलायत बस्दै आएका युगल गुरुङ पनि सङ्गीतमै आवद्ध रहेका छन् ।
