सुर्खेतमा बसको ठक्करबाट एक महिलाको मृत्यु भएको छ ।
वीरेन्द्रनगर-१० बसपार्क नजिकै बा ४ ख ८०६१ नम्बरको बसले ठक्कर दिँदा अन्दाजी ६० वर्षीया महिलाको मृत्यु भएको हो । सुर्खेतको बुलबुलेबाट बसपार्क आउँदै गरेको बसले बाटोमा हिड्दै गरेकी ती महिलालाई ठक्कर दिएको दियो ।
उनलाई उपचारका लागि प्रदेश अस्पताल कालागाउँ लगिएपनि उपचारका क्रममा मृत्यु भएको थियो । मृतकको पहिचान खुलेको छैन । घटनामा संलग्न बस चालक भने फरार रहेको प्रहरीले जनाएको छ ।
काठमाडौँ सुर्खेत रुटमा चल्ने सोही बस करिब आठ महिना अघि पनि दुर्घटनाग्रस्त भएको थियो ।
