मादकपदार्थ सेवन गरि स्थानीय एक युवालाई कुटपिट गर्दा कलाकार पवन खतिवडा म्याकुरी पक्राउ परेका छन् ।
मङ्गलबार राति मोरङको बेलबारी नगरपालिका–१ स्थित एउटा होटलमा भएको घटनामा खतिवडासहित अन्य दुई युवा पक्राउ परेका हुन् । बेलबारीकै एक स्थानीय युवकलाई कुटपिट गरेको अभियोगमा तीन जनालाई हिरासतमा लिएको प्रहरीले जनाएको छ ।
कुटपिटबाट युवक सामान्य घाइते भएको बताइएको छ । घाइते युवकलाई उपचारका लागि अस्पताल लगिएको थियो । घटना विषयमा थप अनुसन्धान भइरहेको प्रहरीले जनाएको छ ।
