नेकपा एमालेका उपाध्यक्ष सुवास नेम्वाङले राष्ट्रपति पदका लागि आफ्नो उम्मेदवारी दर्ता गरेका छन् ।
केही समयअघि नयाँ बानेश्वरस्थित सङ्घीय संसद् भवनमा बनाइएको निर्वाचन अधिकृतको कार्यालय पुगेर उनले मनोनयन पत्र बुझाएका हुन् । नेम्वाङ सँगसँगै एमाले अध्यक्ष केपी शर्मा ओली र योगेश भट्टराई पनि उम्मेदवारी दर्तास्थल पुगेका थिए ।
नेम्वाङको प्रस्तावकमा अध्यक्ष केपी शर्मा ओली, पृथ्वीसुब्बा गुरूङ, गोकर्णराज विष्ट, रघुबीर महासेठ र छविलाल विक रहेका छन् भने समर्थकमा योगेश भट्टराई, टोपबहादुर रायमाझी, जुलीकुमारी महतो महासेठ, दिलकुमारी रावल थापा र अमन कुमार मास्के रहेका छन् ।
राष्ट्रपति पदका लागि आज ३ बजेसम्म उम्मेदवारी दर्ता गर्ने समय रहेको छ ।
