ड्युटीमै खटिँदा बेहोस परेका एक प्रहरी सहायक हवल्दारको मृत्यु भएको छ ।
बैतडीको मेलौली नगरपालिका-२ सलेनामा रहेको अस्थायी प्रहरी चौकीमा ड्युटीमा रहेका ३२ वर्षीय नवीन चौधरीको बुधबार मृत्यु भएको हो । साँझ साढे ५ बजेतिर ड्युटीकै क्रममा बेहोस भएका चौधरीलाई ७ बजे मृत घोषित गरिएको थियो । उनलाई उपचारका लागि स्थानीय स्वास्थ्य चौकी लगिएको प्रहरीले जनाएको छ ।
कैलालीको कैलारी गाउँपालिका-७ घर भएका चौधरीको मृत्युको कारण भने खुलिसकेको छैन । घटनाबारे थप अनुसन्धान भइरहेको प्रहरीले जनाएको छ ।
