कालीकोटमा बोलेरो जिप दुर्घटना हुँदा चालकसहित तीनजनाको मृत्यु भएको छ ।
शनिबार राती करिब ११ बजे शुभकालिका गाउँपालिकाको चौकी बजारबाट हाउडी आउँदै गरेको जीप चिसापानीमा दुर्घटनाग्रस्त भएको थियो । लु १ च८४९८ नम्बरको जिप सडकबाट अन्दाजी डेढ सय मिटर तल खस्दा जिप चालक स्थानीय ३० वर्षीय हर्क कामी, शुभकालिका गाउँपालिका– ८ का ३१ वर्षीय रामबहादुर शाही र दैलेख नौमुले घर भएका अन्दाजी २५ वर्षीय गोपाल सलामी मगरको मृत्यु भएको हो ।
दुर्घटना कारण नखुलेको प्रहरीले जनाएको छ । दुर्घटनाबारे थप अनुसन्धान भइरहेको पनि प्रहरीको भनाई छ ।
