पोखरामा विभिन्न कसुरमा दोषी करार भई फरार भएका दुई प्रतिवादी पक्राउ परेका छन् ।
पक्राउ पर्नेमा बैंकिङ कसूर मुद्दामा १ महिना कैद र २० लाख जरिवाना फैसला भई फरार रहेका पोखरा महानगरपालिका-३१ नहरचोक बस्दै आएका ३६ वर्षीय हरि नेपाली रहेका छन् ।
यसैगरी मुस्ताङको थासाङ-३ घर भई हाल पोखरा बस्दै आएका ३३ वर्षीय नविन गौचनलाई पनि पक्राउ गरेको छ । गौचनले जुवातास मुद्दामा २४ दिन कैद सजाय र १६ सय जरिवाना भुक्तान गर्न बाँकी रहेको प्रहरीले जनाएको छ ।
उनीहरुलाई बिहीबार नियन्त्रणमा लिई आवश्यक कारवाहीका लागि अदालत बुझाइएको पनि प्रहरीले उल्लेख गरेको छ ।
