म्याग्दीको मङ्गला गाउँपालिका-१ का वडाध्यक्ष एकजित रोकाले पढाइ छाडेको २० वर्षपछि पुन: एसईई परीक्षामा सामेल भई २.६५ जिपिए सहित उतीर्ण भएका छन् ।
रोकाले श्री दीपशिखा मावि कुहूँ, म्याग्दीबाट एसईई परीक्षा दिएका थिए । उतीर्ण भएपछि रोकाले फेसबुक स्टाटस लेख्दै आफूलाई परीक्षा दिन प्रोत्साहन दिने सबैलाई धन्यवाद दिएका छन् । २०५८ सालमा एसएलसीमा फेल भएपछि उनले वैदेशिक रोजगारको सिलसिलामा लामो समय मलेसिया र अफगानिस्तानमा बिताएका थिए ।
उनी अघिल्लो स्थानीय तह निर्वाचनमा नेकपा एमालेबाट वडाध्यक्षमा निर्वाचित भएका हुन् ।
