काठमाडौं, २७ असार । प्रधानमन्त्री पुष्पकमल दाहाल प्रचण्डकी धर्मपत्नी सीता दाहालको निधन भएको छ।
आज विहान ८ बजेर ३३ मिनेटमा प्रधानमन्त्री पत्नी सीताको निधन भएको हो ।
नर्भिक अस्पतालका प्रवक्ता सोमनाथा बाँस्तोलाका स्वास्थ्य अवस्था गम्भीर बने पछि सीता दाहाललाई आज विहान अस्पताल ल्याइएको र उपचारको क्रममा उनको ८ बजेर ३३ मिनेटमा निधन हुन गएको थियो ।
प्रधानमन्त्रीका प्रमुख स्वकिय सचिव रमेश मल्लको अनुसार पत्नी दाहालको पार्थिव शरिरलाई अन्तिम श्रद्धाञ्जलीका लागि पेरिसडाँडामा राखिने भएको छ ।
बिहान ११ बजे देखी १ बजेसम्म पेरिसडाँडामा श्रद्धाञ्जली कार्यक्रम सम्पन्न गरेर २ बजे अन्तिम दाह संस्कारका पशुपतिनाथ लगिनेछ ।
उनी नेकपा माओवादी केन्द्रकी सल्लाहकारसमेत हुन् । सीताकाे निधनसँगै प्रचण्डले परिवारका तीन सदस्य गुमाएका छन् ।
यसअघि क्यान्सरका कारण जेठी छाेरी ज्ञानु गुमाएका प्रचण्डले र केही वर्षको अन्तरालमा एक मात्र छाेरा प्रकाशलाई गुमाएका थिए ।
