लमजुङमा माइत आएकी महिलाको सुनको सिक्री लुट्ने एक युवक पक्राउ परेका छन् ।
पक्राउ पर्नेमा तनहुँको भानु नगरपालिका-७ घर भएका ३० वर्षीय श्यामचन्द्र खतिवडा रहेका छन् । साउने संक्रान्ती मनाउन माइत आएकी राइनास नगरपालिका-६ की लक्ष्मी नेपालीलाई जङ्गलको बाटोमा ढुकेर पिछा गरि खतिवडाले सुनको सिक्री लुटेर भागेका थिए । आइतबार ४ बजेतिर सिक्री लुटेर भागेका खतिवडालाई प्रहरीले ६ बजेतिर लुटिएको १ तोला २१ लाल बराबरको सुनको सिक्रीसहित नियन्त्रणमा लिएको थियो ।
उनलाई प्रहरीले राइनासको जङ्गलमा फेला पारेको थियो । पक्राउ परेका खतिवडालाई लमजुङ जिल्ला अदालतबाट ७ दिनको म्याद थप अनुमति लिई थप अनुसन्धान थालिएको प्रहरीले जनाएको छ ।
