पोखरा । स्याङ्जाबाट बिरामी बोकेर पोखरा आउँदै गरेको एम्बुलेन्समा आगलागी भएको छ ।
गएराति स्याङ्जाको पुतलीबजार नगरपालिका वडा नं. ११ करेनडाँडामा ग१झ २७८ नम्वरको एम्बुलेन्समा आगलागी भएको जिल्ला प्रहरी कार्यालय स्याङ्जाले जनाएको छ ।
एम्बुलेन्स वालिङको गह्रौं प्राथमिक अस्पतालको भएको बताइन्छ । एम्बुलेन्स देवप्रसाद रेग्मीले चलाएका थिए ।
‘एम्बुलेन्समा एक्कासि आगो लागेछ, चालकको चतुर्याइँले बिरामीलाई केही भएनछ’, स्याङ्जा प्रहरीका सूचना अधिकारी डीएसपी ईन्द्रबहादुर रानाले भने ।
आगलागीको कारण खुल्न नसकेको भए पनि ब्याट्री स्पार्क भएर आगाे लागेको हुन सक्ने अनुमान गरिएको छ । एम्बुलेन्स जलेर पूर्णरुपमा ध्वस्त भएको छ ।
