गण्डकी खबर । देशभर पछिल्लो २४ घण्टामा ३ हजार ९३८ जनामा कोरोना संक्रमण पुष्टि भएको छ ।
मन्त्रालयका अनुसार ११ हजार ८७० जनाको आरटी–पीसीआर विधिबाट परीक्षण
गर्दा ३ हजार ७ जना र ६ हजार ५३८ जनाको एन्टिजेन विधिबाट परीक्षण
गर्दा ९ सय ३१ जनामा कोरोना संक्रमण पुष्टि भएको हो ।
यो सँगै नेपालमा कोरोना भाइरस संक्रमितको कुल संख्या ७ लाख ७३ हजार ८६० पुगेको छ ।
पछिल्लो २४ घण्टामा देशभर २ हजार १२ जना निको भएर घर फर्किएका छन् ।
अहिलेसम्म संक्रमणमुक्त हुनेहरुको संख्या ६ लाख ६३ हजार ६६३ पुगेको छ ।
भने पछिल्लो २४ घण्टामा थप ३७ संक्रमितको मृत्यु भएको छ ।
हालसम्म नेपालमा कोरोना संक्रमणबाट मृत्यु हुनेको संख्या ९ हजार ९९४ पुगेको मन्त्रालयले जनाएको छ ।
