गण्डकी खबर । पाेखराका र चितवनका अस्पतालहरुमा उपचाररत ३ जना र हाेमआइसाेलेसनमा रहेका २ जनासहित
गण्डकी प्रदेशका थप ५ जना काेराेना संक्रमितको मृत्यु भएकाे छ ।
मृत्यु हुनेहरुमा कास्की जिल्लाका ३ जना, लमजुङ जिल्लाका १ जना र नवलपुर जिल्लाका १ जना रहेकाे गण्डकी प्रदेश
स्वास्थ्य निर्देशनालय पाेखराले शनिबार पुष्टि गरेकाे छ ।
यससँगै गण्डकी प्रदेशमा कोरोना संक्रमणबाट निधन हुनेको संख्या १ हजार १२८ पुगेको निर्देशनालयले जनाएकाे छ ।
भने पछिल्लो २४ घण्टामा कास्की जिल्लामा थप १८३ जनामा कोरोना संक्रमण पुष्टि भएको छ ।
कास्कीमा ९४ जना पुरुष तथा ८९ जना महिला गरी १८३ जनामा कोरोना भाइरस पुष्टि भएकाे प्रदेश स्वास्थ्य निर्देशनालय पाेखराले जनाएको छ ।
पछिल्लो २४ घण्टामा १ हजार २२० जनाको नमुना परीक्षण गरिएकोमा गण्डकी प्रदेशमा थप ५७३ जनामा कोरोना पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।
कास्कीका १८३ सहित म्याग्दीका २४ जना, पर्वतका २ जना, गाेरखाका १०९ जना, लमजुङका २७ जना, तनहुँका ९६ जना,
बाग्लुङका ५४ जना, स्याङ्जाका १४ जना र नवलपुरका ६४ जना गरी प्रदेशका ९ जिल्लामा २८८ पुरुष तथा २८५ जना महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ७१ हजार ५४१ पुगेको छ। पछिल्लो २४ घण्टामा ५३८ जना निको
भएसँगै प्रदेशमा संक्रमणमुक्त हुनेको संख्या ६४ हजार ५३९ पुगेको छ ।
गण्डकीमा थप ५ जनाको कोरोना संक्रमणका कारण मृत्यु भएको छ । हालसम्म कोरोना संक्रमणका कारण प्रदेशभर ज्यान
गुमाउनेको संख्या १ हजार १२८ पुगेको छ।
मृत्यु हुनेको विवरण यस्ताे छः