पोखरा महानगर-४ का वडासदस्य सञ्जयकुमार श्रेष्ठको निधन भएको छ ।
पोखराको गणेशटोल निवासी श्रेष्ठको शनिबार राति करिब २:३० बजे फिस्टेल अस्पतालमा मृत्यु भएको हो । ५२ वर्षीय श्रेष्ठ शुक्रबार उपचारका लागि फिस्टेल अस्पताल पुगेका थिए । विगत केही समय देखि बिरामी श्रेष्ठलाई जन्डिस पनि भएको जनाइएको छ ।
उनको आइतबार नै सेती किनार तुलसीघाटमा अन्त्येष्टि गरिने परिवार स्रोतले जनाएको छ ।स्वर्गीय श्रेष्ठको दुई छोरा, एक छोरी र श्रीमती छन् ।
