पोखरा, १६ जेठ । पोखरा आउँदै गरेको बस पृथ्वी राजमार्गमा दुर्घटना हुँदा २१ जना घाइते भएका छन् ।
काठमाडौंबाट पोखरा आउँदै गरेको ग १ ख ७७०१ नम्बरको बस चितवन इच्छाकामना गाउँपालिका-५ पानीधारामा मंगलबार दिउँसौ पौने ४ बजेतिर बस दुर्घटना भएको हो ।
दुर्घटनामा घाइते भएकामध्ये एक जनाको अवस्था गम्भीर रहेको प्रहरीले जनाएको छ ।
प्रहरीका अनुसार घाइतेमध्ये १७ जनाको पुरानो मेडिकल कलेजमा, तीन जनाको कुरिनटारको स्थानीय अस्पतालमा र एक जनाको नयाँ मेडिकल कलेजमा उपचार भइरहेको छ ।
बस अनियन्त्रित भएर दुर्घटनामा परेको प्रहरीले जनाएको छ ।
