गण्डकी खबर । पोखराको जिरो किलोमीटर नजिकै आइतबार बिहान कारले मोटरसाइकललाई ठक्कर दिँदा मोटरसाइकल युवा घाइते भएका छन् ।
पोखरा-८ स्थित पृथ्वी यातायात प्रा.लि.को कार्यालय नजिकै जिरोबाट पृथ्वीचोक तर्फ आउदै गरेको ग १६ प ४५३ नं. को मोटरसाइकललाई सोही दिशाबाट आउदै गरेको सेतो रङको कारले बिहान ५.१५ बजे ठक्कर दिएको हो ।
दुर्घटनामा गोरखा जिल्ला गण्डकी गाउँपालिका-४ घरभई पोखरा-५ पस्र्याङ बस्दै आएका मोटरसाइकल चालक २९ वर्षीय सन्तोष बराम घाइते भएका हुन् । बरामको पोखराको सृजनाचोक स्थित मेट्रोसिटी अस्पतालमा उपचार भइरहेको छ । ठक्कर दिने कारको कुन हो भन्ने थाहा नलागेको गण्डकी प्रदेश प्रहरी कार्यालय पोखराले जनाएको छ ।पोखरा न्यूज
