गण्डकी खबर । पोखराको छोरोपाटन स्थित मानव सेवा आश्रममा आइतबार दिउँसो एक जनाको मृत्यु भएको छ ।
स्याङजा जिल्ला वालिङ नगरपालिका -८ घर भई गत असोज १५ गतेदेखि पोखरा-१७ छोरेपाटन स्थित मानव सेवा आश्रममा बस्दै आएका ४० वर्षीय चिरञ्जीवी तिवारी मृत फेला परेका हुन् । आइतबार १२.३० बजे तिवारी आश्रममा नै मृत फेला परेको जानकारी गण्डकी प्रदेश प्रहरी कार्यालय पोखराका प्रहरी नायव उपरीक्षक राजेन्द्रबाबु रेग्मीले दिनुभयो ।
उक्त घटनाको बारेमा अनुसन्धान भइरहेको प्रहरीले जनाएको छ । केही दिन अघि मात्र उक्त आश्रममा बस्दै आएका एक भारतीय नागरिकको समेत मृत्यु भएको थियो ।पोखरा न्यूज
