गण्डकी खबर । अरुण भ्याली हाईड्रोपावर कम्पनी पाँचथरमा काम गर्ने मजदुरको फलामको पाईपले लागेर मृत्यु भएको छ ।
मृत्यु हुनेमा गुल्मीकाे सत्यवती गाऊपालिका २ का २९ बर्षीय मोहन राहादी मगर रहेका छन् ।
हिलिहाङ गाऊपालिका १ मारहेको साे कम्पनीमा बिहीबार बेलुका ५ बजे साढे ३ मिटर गोलाई भएको अन्दाजी ४ टन वजन भएको फलामको पाईप बा३क ३८४५ नम्बरको क्रेनले उठाउने क्रममा क्रेनको साङली चुडिन गई मगरको घाटीमा पाईपले लागी घटनास्थलमा नै मृत्यु भएको थियो ।
घटनाको जानकारी पाए लगतै जिल्ला प्रहरी कार्यालय पाँचथरबाट खटिएकाे प्रहरी टोलीले क्रेन अप्रेटर बाराकाे सखुवाघाट गाऊपालिका ७ का २८ बर्षीय अनिल लोप्चनलाई नियन्त्रणमा लिई थप अनुसन्धान गरिरहेकाे जनाइएकाे छ ।
