मोरङ, १२ माघ ।घरायसी बिषयमा बुधबार राति विवाद गरेका ३५ वर्षीय छाेराले घाँटी थिचेर माेरङमा आफ्नै बुबाको हत्या गरेका छन् ।
मोरङको बेलवारी नगरपालिका-९ डाँगा बजारका ३५ बर्षीय जय बहादुर खत्रीलाई आफनै बुबाको हत्या गरेको अभियोगमा प्रहरीले पक्राउ गरेको छ ।
बुधवार राती साँढे १० बजेको समयमा खत्रीले आफ्नै बुबा ८० बर्षीय दल बहादुर खत्रीको घाँटी थिचेर हत्या गरेको भन्ने खबर पाएपछि पुगेकाे प्रहरी टाेलीले खत्रीलाई पक्राउ गरेकाे जनाएकाे छ ।
इलाका प्रहरी कार्यालय बेलवारीबाट खटिएको प्रहरी टोलीले उनलाई पक्राउ गरेको हो । मादक पदार्थ सेवन गरेर आएका खत्रीले घरायसी बिषयमा बुबासंग विवाद गरेको र विवादकै क्रममा रिसको आवेगमा घाँटी थिच्दा दल बहादुरको घटनास्थलमा नै मृत्यु भएको थियो ।
हत्याको आरोपमा पक्राउ परेका खत्रीको सम्बन्धमा प्रहरीले थप अनुसन्धान गरिरहेको जनाएकाे छ ।
